Ammo yigit mazkur voqeadan xafa bo`lmadi, aksincha shunday unutilmas kunda shunday voqea ro`y berganidan qalbi quvonchga to`ldi, deb xabar berdi Tjournal.ru nashri.
Kanadaning Albert provinsiyasida yashovchi Stiven Martin (Stephen Martin) sevgan qizi Kristin Piters (Christine Peters)ning havo sharida uchish orzusini amalga oshirdi va parvoz vaqtida unga muhabbat izhor qildi. Ammo romantik parvozning fojiali yakun topishiga bir bahya qoldi. Havo sharida ulardan tashqari boshqa odamlar ham bor edi. Shar balandlikka ko`tarilgach, yigit qizga turmushga chiqishni taklif qildi va unga uzuk sovg`a qildi. Kristin yigitning taklifiga rozilik bildirdi. 12 metr balandlikka ko`tarilgan shar muvozanatni yo`qotib, daraxtlarga urildi. Havo sharining boshqaruvchisi uni muvaffaqiyatli ravishda dalaga qo`ndirdi. Martinning ma`lumot berishicha, tirnog`ining singanini hisobga olmaganda, boshqa tan jarohati olmagan. U imkon bo`lsa, yana havo sharida parvoz qilish istagi borligini bildirdi.
