​Lola farzandlarining tavallud ayyomiga Ravshan Ermatovni taklif qildi (Foto+video)

Xonanda Lola farzandlari Shahina va Shohdiyorning tavallud ayyomini bir kunda nishonlab, ular uchun haqiqiy ertak uyushtirib berdi.

Ikki farzandi bir oyda tug`ilganligini hisobga olib, Lola ularni bir kunga jamlab quvnoq kecha o`tkazishga qaror qildi.

Tantananing asosiy mehmonlari Shohdiyor va Shahinaning do`stlari bo`lishdi. Ikkisi uchun alohida ertak, “Barselona” futbol klubi va Messining fanati Shohdiyor uchun futbol ishqibozlariga xos muhit yaratilgan bo`lsa, Shahina uchun malikalarga xos bo`lgan ertak.

“Aslida oilamizning yagona malikasi bo`lgan Shahinaning o`zi bu nomni o`zi yoqtirmaydi, sababi u doim o`g`il bolalar orasida o`sgan. U ota-onamning yagona va eng to`ng`ich qiz nabirasi. Undan keyin 6 ta o`g`il nabira dunyoga kelgan. Qizalog`im ayyoming muborak bo`lsin, orzularing ro`yobga chiqsin”, deb yozadi Lola.

Tantananing eng katta sovg`asi bu dunyoning eng yaxshi hakami Ravshan Ermatovning tashrif bo`ldi.

“Baxt mana shunday ko`rinishda bo`ladi. Diyor va uning do`stlari uchun bu kungi eng katta sovg`a dunyoning eng yaxshi hakami Ravshan Ermatovning tashrifi bo`ldi! U kechamizni unutilmas hissiyotlarga to`ldirdi, har bir bola bilan gaplashib, barchalariga dastxat qo`yib to`p sovg`a qildi. Sizga katta rahmat! Siz eng zo`risiz!”, deb yozadi Lola.

Bundan tashqari tavallud ayyomning yana bir hayajonli nuqtasi bu Shohdiyorning opasi Shahinaga atalgan taronasi bo`ldi.

Quyida tavallud ayyomdan fotolar tomosha qilishingiz mumkin.