​Лола фарзандларининг таваллуд айёмига Равшан Эрматовни таклиф қилди (Фото+видео)

Хонанда Лола фарзандлари Шаҳина ва Шоҳдиёрнинг таваллуд айёмини бир кунда нишонлаб, улар учун ҳақиқий эртак уюштириб берди.

Икки фарзанди бир ойда туғилганлигини ҳисобга олиб, Лола уларни бир кунга жамлаб қувноқ кеча ўтказишга қарор қилди.

Тантананинг асосий меҳмонлари Шоҳдиёр ва Шаҳинанинг дўстлари бўлишди. Иккиси учун алоҳида эртак, “Барселона” футбол клуби ва Мессининг фанати Шоҳдиёр учун футбол ишқибозларига хос муҳит яратилган бўлса, Шаҳина учун маликаларга хос бўлган эртак.

“Аслида оиламизнинг ягона маликаси бўлган Шаҳинанинг ўзи бу номни ўзи ёқтирмайди, сабаби у доим ўғил болалар орасида ўсган. У ота-онамнинг ягона ва энг тўнғич қиз набираси. Ундан кейин 6 та ўғил набира дунёга келган. Қизалоғим айёминг муборак бўлсин, орзуларинг рўёбга чиқсин”, деб ёзади Лола.

Тантананинг энг катта совғаси бу дунёнинг энг яхши ҳаками Равшан Эрматовнинг ташриф бўлди.

“Бахт мана шундай кўринишда бўлади. Диёр ва унинг дўстлари учун бу кунги энг катта совға дунёнинг энг яхши ҳаками Равшан Эрматовнинг ташрифи бўлди! У кечамизни унутилмас ҳиссиётларга тўлдирди, ҳар бир бола билан гаплашиб, барчаларига дастхат қўйиб тўп совға қилди. Сизга катта раҳмат! Сиз энг зўрисиз!”, деб ёзади Лола.

Бундан ташқари таваллуд айёмнинг яна бир ҳаяжонли нуқтаси бу Шоҳдиёрнинг опаси Шаҳинага аталган таронаси бўлди.

Қуйида таваллуд айёмдан фотолар томоша қилишингиз мумкин.