1 iyun – Xalqaro bolalarni himoya qilish kunida poytaxt hududida Toshkent shahar IIBB Yo`l-harakati xavfsizligi boshqarmasi tomonidan Xalq ta`lim bosh boshqarmasi, Sog`liqni saqlash bosh boshqarmasi, “Kamolot” yoshlar ijtimoiy harakati va O`zbekiston mudofaasiga ko`maklashuvchi “Vatanparvar” tashkiloti bilan hamkorlikda “Targ`ibot avtokarvoni” tashkil etildi.
Avtokarvonni tashkil etishdan maqsad bolalar bilan bog`liq yo`l-transport hodisalarining oldini olish ishlarining samaradorligini oshirish, shuningdek ushbu yo`nalishdagi ishlarga keng jamoatchilik e`tiborini qaratish bo`ldi.
“Targ`ibot avtokarvoni” Toshkent shahri ko`chalarida harakatlanib, maxsus patrul avtomashinalarida ovozni kuchaytirgich moslamalari yordamida aholi ko`p to`planadigan joylarda fuqarolar o`rtasida og`zaki targ`ibot ishlarini olib boradi.
Asosiy maqsad, bolalar ishtirokidagi yo`l transport hodisalari muammosiga xalqning e`tiborini jalb qilish, yo`l harakati qoidalariga amal qilishni va bolalarni yo`llarda asrash bo`yicha targ`ibot ishlarini amalga oshirishdir.
