O`zbekiston milliy terma jamoasi ertaga, 12 iyun kuni JCh–2018 saralash bosqichi 8-turida Eron futbolchilariga qarshi bahs olib boradi. Uchrashuvdan oldin o`tkazilgan matbuot anjumanida Viktor Jalilov va Murod Xolmuhammedov qatnashib, bo`lajak o`yin borasida o`z fikrlarini bildirib o`tdi.
“So`nggi saralash bosqichi oxiriga etay deb qoldi va bizni oldinda juda muhim o`yinlar kutib turibdi. Guruhdagi vaziyatga e`tibor qatarsak, hali hech narsa hal bo`lmaganini ko`rishimiz mumkin. Jamoalar ikkitadan ortiq to`p farqi bilan g`alaba qozonmagan va bu raqobat kuchli ekanidan dalolatdir. Guruhda har bir jamoa o`z oldiga aniq bir maqsadni qo`ygan.
Guruhimizda asosiy kurash Eron, Janubiy Koreya va O`zbekiston o`rtasida kechmoqda, ammo Suriya, Xitoy va Qatar yaxshi o`yin ko`rsatib, yuqori pog`onada turgan jamoalarga muammolar tug`dirmoqda. Bo`lajak o`yinlarda aynan jadvalning quyi qismidagi jamoalar yuqoridagi ikki o`rin uchun kurashayotganlarga muammo keltirishi mumkin.
“2012 yilda Eronni o`z maydonida mag`lub qilganmiz, demak, har qanday jamoani mag`lubiyatga uchratish mumkin. To`g`ri, Eron so`nggi saralash bosqichida hali gol o`tkazmadi, lekin bu futbol va unda har narsa bo`lishi mumkin, kutilmagan natijalar qayd etilishi mumkin. Nima uchun biz Eronga gol urmasligimiz kerak. Buni uddalay olamiz deb o`ylayman”, – dedi Viktor Jalilov.
“Toshkentdagi o`yinda deyarli tengma-teng o`yin guvohiga aylangandik. O`zbekiston g`alaba uchun maydonga tushgandi, biroq o`sha o`yindagi hakamlarning kutilmagan qarori tufayli standart vaziyat belgilangan va davrozamizdan to`p olib chiqqandik. Eron terma jamoasi va shaxsan Karlush Keyrushga tayyorlab qo`ygan sovg`amiz bor. Umid qilamanki, ertaga g`alaba qozonib, 3 ochko bilan Toshkentga qaytamiz.
Eron tarkibida alohida bir o`yinchini ajratmagan bo`lardim. Raqib jamoaviy o`yin namoyish qilishi orqali yaxshi tanilgan. Faqatgina, Eronning himoya chizig`i kuchli va tartibli o`yin ko`rsatishini ayta olaman”, – dedi Murod Xolmuhammedov.
Eslatib o`tamiz, Eron – O`zbekiston uchrashuvi ertaga, 12 iyun kuni Tehron shahridagi “Ozodi” stadionida bo`lib o`tadi. Bellashuv Toshkent vaqti bilan 21:45 da boshlanadi.
13.09.2023, 11:02
Osiyo kubogi uchun saralash o`yinlari yakunlandi, deya xabar bermoqda "darakchi.uz" muxbiri. Ma`lum bo`lishicha, so`nggi 6 o`yinda raqiblari darvozasiga 25 ta gol kiritib, 3 ta gol o`tkazib...
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...
24.01.2023, 10:47
Avval xabar qilganimizdek, O`zbekiston va Qirg`iziston hamkorlikda 19 turdagi engil avtomobillar, jumladan mikroavtobus, pikap, sedan va boshqalarni ishlab chiqarishni rejalashtirgan. Qirg`izistonda ishlab chiqarilgan avtomobillar narxi 13...
18.01.2023, 11:45
Rossiya prezidenti Vladimir Putin iqtisodiy masalalar bo`yicha yig`ilish o`tkazdi va unda Markaziy Osiyo mamlakatlaridagi sovuqlar haqida fikr bildirdi. Rossiya rahbari bosh vazir Mixail Mishustindan agrosanoat majmuasida...
