Betmen rolini ijro etgan amerikalik aktyor Adam Uest 88 yoshda vafot etdi, deb xabar berdi Tjournal.ru nashri.
U 1960 yilda ekran yuzini ko`rgan “Betmen” teleserialida Betmen rolini o`ynagan.
Uest Kaliforniya shtatining Los-Anjeles shahrida, oila a`zolari va yaqinlari qurshovida vafot etdi. Aktyor oxirgi paytlarda leykemiya kasalligidan aziyat chekkan.
“Betmen” teleseriali Amerikaning AVS telekanalida— 1966 yilning 12 yanvaridan to 1968 yilning 14 martiga qadar namoyish etilgan. Mazkur serialning 120 ta epizodi efirga uzatilgan. “Betmen” seriali hozirda parodiya deb qabul qilinganiga qaramay, o`sha paytlarda eng xit film bo`lgan. Mazkur film qanchalik tez mashhurlikka erishgan bo`lsa, shunchalik tez obro`sini yo`qotdi. Uest esa bir obrazdagi aktyorga aylanib, karerasi davomida boshqa birorta esda qoladigan rolni ijro etmadi. Adam Uest multfilmlarga ham ovoz bergan.
