Amerikalik bokschi, yarim engil vazn toifasidagi Daniel Franko vatandoshi Xose Xaro bilan bo`lgan jangdagi mag`lubiyat — nokautdan keyin komaga tushdi, deb xabar berdi Ntv.ru nashri.
Amerikalik bokschilar o`rtasida mazkur jang 10 iyun kuni AQShda bo`lib o`tdi. Sakkizinchi raundda Franko nokautga uchragandan keyin hakam musobaqani to`xtatdi. Franko zambilda kasalxonaga olib ketildi. Vrachlar miyaga qon quyulishining oldini olish maqsadida jarrohlik operasiyasini o`tkazishdi. Operasiyadan keyin 25 yoshli bokschi tibbiy koma holatiga tushirildi.
“Shifokorlar kelgusi 48 soat Frankoning to`liq o`ziga kelishida hal qiluvchi soatlar bo`lishini aytdi. Bokschilar hamjamiyatidan uning tuzalishi uchun duo qilishlarini so`rayman”, dedi bokschining menejeri Rey Chaparro.
Daniel Frankoning hisobida professional ringdagi 16 ta g`alaba, 2 mag`lubiyat va 3 ta durang mavjud.
