"Ivanushki International" guruhining sobiq yakkaxon xonandasi Oleg Yakovlev bugun tongda vafot etdi, deb xabar berdi Ria.ru nashri.
Bu haqda xonandaning rafiqasi Aleksandra Kusevol Instagram sahifasida yozdi:
“Bugun soat 7:05 da hayotimdagi eng aziz odam, Farishtam, Baxtim olamdan o`tdi... Endi sensiz qanday yashayman?... Oleg, parvoz qil! Men har doim sen bilanman...”
Aleksandra Kusevol bundan oldin Oleg Yakovlev og`ir ahvolda kasalxonaning reanimasiya bo`limida yotganligini, shifokorlar unga ikki tomonlama o`pka shamollashi tashxisini qo`yganligini ma`lum qilgan edi. Oleg Yakovlev "Ivanushki International" guruhida 1998 yildan 2013 yilgacha xonandalik qilib, keyinchalik yakkaxon xonanda sifatida o`z faoliyatini davom ettirgan edi.
