Go`zal va jannatmakon O`zbekiston haqidagi chet el mamlakatlari tasavvurini yangilash, yurtimizning bor chiroyini dunyoga ko`rsatish va shu orqali xorijlik sayyohlarni vatanimizga chorlash maqsadida “Dono Productions” kinokompaniyasi ishchi nomi “Maftuningman-2” bo`lgan yirik kinoloyihaga qo`l urilgani haqida avvalroq xabar bergandik.
Film “Sevginator”, “O`zimdan o`zimgacha”, “Dada” kabi o`nlab muvaffaqiyatli filmlar rejissyori Abduvohid G`aniev tomonidan suratga olinmoqda. Yangi film o`zbek kinosining durdonalaridan biri bo`lgan “Maftuningman” (1958y.)ning rimeyki yoki davomi emas, balki O`zbekiston bo`ylab iqtidorlarni qidirib topishga yo`naltirilgan g`oyani o`zida mujassam qilgan.
Film syujetiga ko`ra fransiyalik yosh rejissyor Fransua O`zbekistondagi hamkasbi taklifi bilan yurtimizga tashrif buyuradi. Yosh rejissyor Murod ayni mehmon kelishi arafasida yangi film uchun buyurtma olgan va butun O`zbekiston bo`ylab iste`dodlarni qidirishga otlangan bo`ladi. Vaqt tig`iz bo`lgani uchun Murod mehmonni, ya`ni Fransuani kasting o`tkazish uchun barcha viloyatlar bo`ylab xizmat safariga olib ketadi.
Ayni shu safar davomida O`zbekistonning bor go`zalliklari fransuz rejissyori ko`zi bilan namoyon bo`ladi. Azaliy qadriyatlar, urf-odatlar, o`zbekistonliklarning turmush tarzi sodda va tinib-tinchimas Fransuaning qiziqish ob`ektiga aylanadi. Boysun, Buxoro, Samarqand, Xiva, Farg`ona vodiysi – xullas yurtimizning barcha diqqatga sazovor turistik ob`ektlari bo`ylab safar davom etadi. Filmda nafaqat tarixiy obidalar, balki madaniy meros – buxorocha, xorazmcha folklor, farg`onacha askiya, raqslar judayam qiziqarli uslubda ochib beriladi.
Xizmat safari davomida ular respublikaning to`rt burchagidan 4 nafar iste`dodlarni topishadi. Musiqali komediya janrida olinadigan filmda 4 ta qo`shiq (har bir iqtidor ijrosida), 1 ta umumiy qo`shiq (O`zbekiston haqida, o`zbek, rus va ingliz tilida, 4 kishi tomonidan) ijro etiladi. Bundan tashqari 10 ga yaqin folklor ijrolari bor.
Filmning tasvirga olish ishlari 2017 yil may-iyun oylarida O`zbekiston Respublikasi viloyatlari bo`ylab bo`lib o`tdi. Ayni paytda Toshkent shahrida tasvirga olish ishlarining yakuniy bosqichi bo`lib o`tmoqda. E`tiboringizga filmning ilk tizerini havola qilamiz
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...
10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...
