Amerikalik polisiyachilar qabristonda ro`y bergan voqeani o`rganmoqda, deb xabar berdi Ntv.ru nashri.
48 yoshli Sherri Rixter o`g`lining haddan ortiq semizligi tufayli undan qutulmoqchi bo`ldi. Ayol o`g`lini mashina yukxonasiga solib, qabristonga olib bordi. U benzin sepib, mashinani yoqmoqchi bo`ldi, ammo mudhish rejani amalga oshirishiga voqeaga tasodifan guvoh bo`lgan qabriston xizmatchilari xalaqit qildi. Ular bolani onasining changalidan qutqardi. Voqea joyiga etib kelgan polisiya xodimlari ayolning qo`liga kishan soldi. Undan farzandining joniga qasd qilmoqchi bo`lganiga nima sabab bo`lgani to`g`risida savol berilganda, ayol bolasi haddan ortiq semiz bo`lgani tufayli o`g`lidan qutulmoqchi bo`lganini bildirdi. Voqea yuz berganda ayol mast holatda bo`lgan.
