Америкалик полициячилар қабристонда рўй берган воқеани ўрганмоқда, деб хабар берди Ntv.ru нашри.
48 ёшли Шерри Рихтер ўғлининг ҳаддан ортиқ семизлиги туфайли ундан қутулмоқчи бўлди. Аёл ўғлини машина юкхонасига солиб, қабристонга олиб борди. У бензин сепиб, машинани ёқмоқчи бўлди, аммо мудҳиш режани амалга оширишига воқеага тасодифан гувоҳ бўлган қабристон хизматчилари халақит қилди. Улар болани онасининг чангалидан қутқарди. Воқеа жойига етиб келган полиция ходимлари аёлнинг қўлига кишан солди. Ундан фарзандининг жонига қасд қилмоқчи бўлганига нима сабаб бўлгани тўғрисида савол берилганда, аёл боласи ҳаддан ортиқ семиз бўлгани туфайли ўғлидан қутулмоқчи бўлганини билдирди. Воқеа юз берганда аёл маст ҳолатда бўлган.
