Argentinalik hujumchi Lionel Messi bir necha kun avval “Barselona” bilan amaldagi shartnomasini 2021 yilga qadar uzaytirgani haqida xabar berilgandi.
The Sunday Times nashrining xabar berishicha, argentinalik 30 yoshli futbolchi yangi shartnomaga ko`ra kataloniyaliklardan yiliga 62 mln evro (taxminan 55 mln funt) maosh oladi. Oddiyroq qilib aytganda, 30 yoshli futbolchi haftasiga deyarli 1 mln funt maosh oladi.
Eslatib o`tamiz, bundan avvalroq “ko`k-anor ranglilar” prezidenti Xosep Mariya Bartomeu Messi futbol tarixidagi, qolaversa jamoaviy sport turlari orasida eng ko`p maosh oluvchi sportchi bo`lishi haqida aytib o`tgan edi.
