Аргентиналик ҳужумчи Лионель Месси бир неча кун аввал “Барселона” билан амалдаги шартномасини 2021 йилга қадар узайтиргани ҳақида хабар берилганди.
The Sunday Times нашрининг хабар беришича, аргентиналик 30 ёшли футболчи янги шартномага кўра каталонияликлардан йилига 62 млн евро (тахминан 55 млн фунт) маош олади. Оддийроқ қилиб айтганда, 30 ёшли футболчи ҳафтасига деярли 1 млн фунт маош олади.
Эслатиб ўтамиз, бундан аввалроқ “кўк-анор ранглилар” президенти Хосеп Мария Бартомеу Месси футбол тарихидаги, қолаверса жамоавий спорт турлари орасида энг кўп маош олувчи спортчи бўлиши ҳақида айтиб ўтган эди.
