Rossiyalik Evgeniy Qayumov Emirates aviakompaniyasining birinchi klass reysida sayohatga chiqqan edi, deb xabar berdi Vesti.ru nashri.
Samolyot Dubay aeroportiga qo`nganidan keyin u bokalda qolgan shampan vinosini qaytarib shishaga quyayotgan styuardessani smartfoniga videoga oldi. Evgeniy Qayumov mazkur holat yuzasidan aviakompaniyaga shikoyat ariza yozdi.
Voqea aks etgan videoni esa Instagram sahifasiga joylashtirdi. Videoga izoh yozgan ba`zi bir foydalanuvchilar bu jarayon parvoz vaqtida ichib ulgurilmagan ichimliklarni utilizasiya qilish ishlari bilan bog`liq bo`lishi mumkinligini ma`lum qildi.
