"Chelsi" o`zining rasmiy saytida "Monako" yarim himoyachisi Temua Bakayoko transferini e`lon qildi. 22 yoshli fransuz "Chelsi" bilan 5 yillik shartnoma imzoladi va yangi jamoada 14-raqam ostida maydonga tushadi.
“Bu erda ekanligimdan baxtiyorman. Intizorlik bilan ajoyib murabbiy va futbolchilar bilan ishlashni kutmoqdaman”, – deb aytib o`tdi Bakayoko.
Ilgariroq, mazkur transfer “Chelsi”ga 35 mln funtga tushishi haqida xabarlar tarqalgan edi. Ma`lumot uchun, Bakayoko yakunlangan mavsumda “Monako” safida jami 51 ta bahsda maydonga tushdi va 3 ta gol kiritib, 1 ta golga assistentlik qildi.
