Britaniyalik Julet Flauer o`zining bedavo genetik kasallik bilan xasta 10 yoshli qizi Rouzni umrbod uyquga ketkizmoqchi. Qizaloq ko`rmaydi, eshitmaydi, uning tanasi falaj, organizmi rivojlanmayapti. Flauer qizini azoblardan qutqarmoqchi, deb yozadi britaniyaning BBC teleradiokompaniyasi.
“Bu narsa qanchalik dahshatli eshitilishini tushunaman, qizimni yo`qotib qo`yishimni o`ylasam yuragim pora-pora bo`ladi, ammo siz o`rnimda nima qilar edingiz? Farzandingiz umrini ohirigacha qiynalishini istarmidingiz?”, — ushbu so`zlar aks etgan rolik Flauer tomonidan jurnalistlar va ijtimoiy tarmoq foydalanuvchilar uchun yozib qoldirildi.
“Qizim juda chiroyli, u ba`zan tabassum ham qiladi. Ammo bu tabassum ortida dahshatli azoblar yotibdi. Men bu azoblarga nuqta qo`ymoqchiman. Qizimni azoblanishini istamayman”, — deydi ona.
Unga qizining evtanaziyasiga erishishga ruxsat berishadimi, noma`lum.
