AQShning Ogayo shtatidagi yarmarkada joylashgan attraksionning buzilishi oqibatida bir kishi halok bo`ldi, besh kishi og`ir tan jarohati oldi, deb xabar berdi Vesti.ru nashri.
Polisiya vakili Stiv Martinning OAVlarga bergan ma`lumotiga ko`ra, attraksionning bir qator o`rindig`i sinib tushgan. Yarmarka tashkilotchilari ijtimoiy tarmoqlar orqali tergov ishlari haqida ma`lumot berishga va`da berdi. Attraksion surushtiruv ishlari tufayli ma`lum muddatga yopildi.
