Bugun, 11 avgust kuni “Paxtakor-79” a`zolari vafotiga sabab bo`lgan aviafalokat sodir bo`lganiga 38 yil bo`ldi. Shu munosabat bilan 11 avgust kuni Toshkentda “Paxtakor-79” xotirasiga bag`ishlangan tadbirlar o`tkazildi.
Avvaliga soat 09:00 da futbol jamoatchiligi “Paxtakor” stadioni hududida joylashgan “Paxtakor-79” yodgorligi oldida to`plandi. Stadion hududida joylashgan “Paxtakor-79” yodgorligi yonida bo`lgan xotirlash marosimida aviaholakat oqibatida hayotdan ko`z yumgan futbolchilar bilan birga faoliyat olib borgan To`lagan Isoqov hamda Narimon Jalolov so`zga chiqib, marhum paxtakorchilarni xotirladi.
“Paxtakor” stadionidagi tadbir yakunlangach, yig`ilganlar aviafalokat oqibatida dunyodan ko`z yumgan futbolchilar sharafiga o`rnatilgan yodgorlikni ziyorat qilish uchun “Botkin” qabristoniga tashrif buyurishdi.
Qayd etish joiz, 5–9 avgust kunlari 2002 yillarda tavallud topgan bolalar o`rtasida “Paxtakor-79” xotirasiga bag`ishlangan “Xotira qanotlari” turniri bo`lib o`tdi. Finalda “Paxtakor” va “Yangier” jamoalari o`zaro bahs olib bordi. O`yinning ikkinchi bo`limda kiritilgan yagona to`p o`yin taqdirini hal qildi va Dilshod Nuraliev bosh murabbiyligidagi yosh “Paxtakor” jamoasi xotira turniri g`oliblariga aylandi.
Uchinchi o`rin kechgan bahsda Namangan OZK futbolchilari “Paxtakor-2”dan 3:2 hisobida ustun keldi. Musobaqaning yopilish marosimida Birodar Abduraimov, To`lagan Isoqov, Nikolay Lyubarsev, Vitaliy Kapustyanskiy va Narimon Jalolov kabi futbol faxriylari hamda “Paxtakor” bosh direktori Dmitriy Adisman ishtirok etishdi.
15.03.2023, 11:00
FIFA navbatdagi jahon chempionati formati borasida qaror qabul qildi va uni tasdiqlashga yaqin turibdi, deya yozdi "zamon.uz".Bu 48 ta jamoa ishtirok etadigan birinchi jahon chempionati...
07.05.2022, 09:03
Xabaringiz bor 17-18 may kunlari Toshkentda Italiya va O`zbekiston futboli afsonalari uchrashuvi o`tkazilishi rejalashtirilgan. O`zbek futbolining 110 yilligiga bag`ishlab o`tkazilayotgan ushbu o`yinda uzoq yillar davomida...
23.10.2021, 22:16
Superliganing 23-turidan o`rin olgan "Qo`qon-1912" - "Lokomotiv" (2:1) uchrashuvidan so`ng mehmonlar bosh murabbiyi Mikael Sekeyra fikrlarini bildirib o`tdi.Portugaliyalik mutaxassis o`yindan keyin o`zbek futbolidagi tizimni keskin...
22.10.2021, 14:47
Bortida Olmaotaning “Qayrat” klubi futbolchilari va murabbiylar shtabi bo`lgan samolyot halokatga uchradi. Bu haqda Vesti.kz xabar bermoqda.Qayd etilishicha, baxtsiz hodisa Olmaota xalqaro aeroportida ro`y bergan. FlyJet...
