12 avgust kuni Pekin aeroportida momaqaldiroq tufayli 1256 ta reys bekor qilindi, 481 ta reys esa to`xtatildi. Bu haqda Reuters axborot agentligi xabar berdi.
Ushbu holat asosan ichki reyslarga aloqador ekani aytilmoqda.
Pekinda kuchli yomg`ir va momaqaldiroq juma kuni kechqurun boshlangan. Iqlimshunoslarning ma`lumotiga ko`ra, Xitoy poytaxtida so`nggi 12 soat ichida 20 mm yomg`ir kuzatilgan.
Xitoy poytaxtining hokimiyati aholini kuchli yog`ingarchiliklar 70 mmni tashkil etishi va suv toshqini haqida ogohlantirishdi.
