12 август куни Пекин аэропортида момақалдироқ туфайли 1256 та рейс бекор қилинди, 481 та рейс эса тўхтатилди. Бу ҳақда Reuters ахборот агентлиги хабар берди.
Ушбу ҳолат асосан ички рейсларга алоқадор экани айтилмоқда.
Пекинда кучли ёмғир ва момақалдироқ жума куни кечқурун бошланган. Иқлимшуносларнинг маълумотига кўра, Хитой пойтахтида сўнгги 12 соат ичида 20 мм ёмғир кузатилган.
Хитой пойтахтининг ҳокимияти аҳолини кучли ёғингарчиликлар 70 ммни ташкил этиши ва сув тошқини ҳақида огоҳлантиришди.
