Yangiyo`l tumani hududida 6 nafar shaxsning o`limiga sabab bo`lgan yirik yo`l transport hodisasi sodir bo`ldi.
Xususan, 6 sentyabr kuni Toshkent - Termiz avtomobil yo`lining 832 km.da NEXIA avtomashinasi haydovchisi MAN yuk mashinasi bilan to`qnashuv sodir qilgan. Natijada yuk mashinasi yo`lning qarama-qarshi yo`nalishiga chiqib ketib, yana ikkita NEXIA avtomashinalari bilan to`qnashgan. Bu haqda Toshkent viloyati prokuraturasi xabar berdi.
YTH oqibatida 6 nafar shaxs, shu jumladan bir nafar voyaga etmagan voqea joyida vafot etishgan. Yana 6 nafar shaxs turli tan jarohatlari olib, shifoxonaga joylashtirilgan.
Voqea joyida favqulodda xizmatlar va huquqni muhofaza qiluvchi organlar ishladi.
Mazkur holat yuzasidan Jinoyat kodeksining 266-moddasi (transport vositalari harakati va ulardan foydalanish xavfsizligi qoidalarini buzish) bilan jinoyat ishi qo`zg`atilib, tergov harakatlari olib borilmoqda.
