Mamlakatimizda valyuta bozorini erkinlashtirish borasida izchil chora tadbirlar amalga oshirilishi yangi imkoniyatlar eshigini ochdi. Ammo shunday bo`lishiga qaramay, ayrim yurtdoshlarimiz mo`may daromad orttirish ilinjida noqonuniy valyuta oldi-sotdisiga qo`l urishmoqda.
Fuqarolar Sardor G`aniev va Eldor Sharipov noqonuniy daromad olish maqsadida chet el valyutasini ayriboshlashni ko`zlab, fuqaro Babaevaga valyuta mablag`larini o`tkazishni taklif qildi.
Ular har bir AQSh dollarini 8.250 so`mdan hisoblab, jami 20.000 AQSh dollarini 165,0 mln. so`mga qonunga xilof ravishda sotgan vaqtida ashyoviy dalillar bilan ushlanadi, deb yozadi Uzbekistan24 nashri.
