Zarifa Mahmudova, Toshkent shahri
Saltanat TULABOEVA, oliy toifali shifokor-pediatr:
— Aslida 2,5 yosh ko`krak sutidan ajratish mumkin bo`lgan davr hisoblanadi. Keliningizning vaziyatini hisobga olsak, ikkita go`dakni ko`krak suti bilan parvarishlar har ikkisi uchun ham kerakli ozuqani bermasligi mumkin. Qolaversa, ayol organizmi holdan toyib, keyinchalik turli asoratlar kelib chiqish ehtimoli bor. Keliningiz to`ng`ich farzandini sutdan chiqarishi uchun kichigining emizish vaqtini tartibga keltirib olishi darkor. Sutdan ajratishda kunduzgi emizishlar sonini qisqartirib, bolaning e`tiborini turli xil o`yinlarga qaratiish kerak. Agar bola kunduzi emib uxlashga odatlangan bo`lsa, peshin vaqti biror erga ketish lozim. Asta-sekinlik bilan go`dak emmasdan uxlashga ko`nikadi. Bolani turli mashg`ulotlar, o`yinchoqlar bilan ovutish, ko`proq sayr qilish, taomnomasini boyitish ham sutdan ajratishga yordam beradi. Ko`krakka turli xil bo`yoqlar surtish yoki bolani cho`chituvchi usullarga chalg`imang. Bu bola ruhiyatiga keskin ta`sir ko`rsatishi mumkin.
