O`zbekiston Respublikasi Prezidenti Shavkat Mirziyoev 2017 yil 18 sentyabr kuni BMT Bosh Assambleyasining 72-sessiyasida ishtirok etish uchun Nyu-York shahriga keldi, deya xabar beradi O`zA.
Davlatimiz rahbarini Jon Kennedi nomidagi xalqaro aeroportda Amerika – O`zbekiston savdo palatasi raisi Kerolin Lemm kutib oldi.
Shavkat Mirziyoev 19 sentyabr kuni BMT Bosh Assambleyasining 72-sessiyasi umumiy muzokaralarida nutq so`zlaydi.
Prezidentimiz tashrif doirasida BMT Bosh kotibi Antoniu Guterrish, Xalqaro valyuta fondi taqsimlovchi direktori Kristin Lagard, Jahon banki guruhi prezidenti Jim Yon Kim hamda BMT Bosh Assambleyasiga tashrif buyurgan boshqa davlatlar rahbarlari bilan uchrashib, muzokaralar o`tkazishi rejalashtirilgan.
Davlatimiz rahbari, shuningdek, keng doiradagi O`zbekiston – Amerika biznes-forumida ishtirok etadi.
