O`zbekiston Respublikasi Prezidenti Shavkat Mirziyoev 19 sentyabr kuni Nyu-York shahrida Xalqaro valyuta jamg`armasi farmoyish beruvchi direktori Kristin Lagardni qabul qildi.
Davlatimiz rahbari ushbu uchrashuvdan mamnunligini bildirib, Xalqaro valyuta jamg`armasi jahon iqtisodiyotidagi vaziyatning yaxshilanishida muhim o`rin tutayotganini ta`kidladi, deya xabar beradi O`zA.
Jamg`arma mamlakatimizda amalga oshirilayotgan iqtisodiy islohotlarni qo`llab-quvvatlamoqda. Joriy yil may oyida O`zbekiston delegasiyasi Xalqaro valyuta jamg`armasida valyuta siyosatini isloh qilish bo`yicha uchrashuv o`tkazdi. Iyul va sentyabr oylarida Jamg`arma ekspertlari O`zbekistonga tashrif buyurib, vazirlik va idoralarda iqtisodiy islohotlar bo`yicha fikr almashdi.
Jamg`arma farmoyish beruvchi direktori 2017-2021 yillarda O`zbekiston Respublikasini rivojlantirishning beshta ustuvor yo`nalishi bo`yicha Harakatlar strategiyasiga muvofiq iqtisodiy va tarkibiy islohotlar muvaffaqiyatli amalga oshirilayotgani bilan davlatimiz rahbarini qutladi.
Prezidentimizning 2017 yil 2 sentyabrdagi «Valyuta siyosatini liberallashtirish bo`yicha birinchi navbatdagi chora-tadbirlar to`g`risida»gi farmoniga muvofiq valyuta muomalasida bozor mexanizmlari joriy etilgani sohadagi ma`muriy to`siqlarni bartaraf etdi, biznes vakillari uchun teng sharoitlar yaratdi.
Kristin Lagard Shavkat Mirziyoev rahbarligida O`zbekistonda amalga oshirilayotgan keng ko`lamli islohotlar jarayonida iqtisodiyot va ijtimoiy hayot barqarorligini ta`minlashga alohida e`tibor qaratilayotgani diqqatga sazovor ekanini ta`kidladi.
Uchrashuvda valyuta islohoti jarayonida davlat organlari va tijorat banklarini qo`llab-quvvatlash, savdodagi tariflarni kamaytirish, ijtimoiy himoyaga muhtoj aholini muhofaza qilish bo`yicha amalga oshirilgan ishlar haqida so`z yuritildi. Davlat byudjetini profisit bilan bajarish, soliq ma`murchiligi va davlat statistikasi sohasini tubdan yaxshilash, bank tizimining barqarorligini ta`minlash, tashqi savdo siyosatini erkinlashtirish kabi navbatdagi vazifalarga e`tibor qaratildi.
O`zbekiston bilan Xalqaro valyuta jamg`armasi hamkorligini kengaytirish, mamlakatimizda ishbilarmonlik va investisiya muhitini takomillashtirish masalalari bo`yicha fikr almashildi.
Kristin Lagard Xalqaro valyuta jamg`armasi texnik ko`maklashish va iqtisodiy siyosat masalalari bo`yicha tavsiyalar berish orqali O`zbekiston moliya tizimida amalga oshirilayotgan chora-tadbirlarni qo`llab-quvvatlashga tayyorligini bildirdi.
19.04.2024, 18:05
O`zbekiston Respublikasi Prezidenti Shavkat Mirziyoevning Tojikistonga davlat tashrifi doirasidagi tadbirlar yakuniga etdi. Bu haqda Prezident matbuot xizmati xabar berdi. Kuni kecha O`zbekiston rahbari Prezident Emomali Rahmon...19.04.2024, 14:58
Dushanbega davlat tashrifi doirasida O`zbekiston Respublikasi Prezidenti Shavkat Mirziyoev 19 aprel kuni Tojikiston Respublikasi Bosh vaziri Qohir Rasulzodani qabul qildi. Bu haqda Prezident matbuot xizmati...03.02.2023, 11:00
O`zbekiston Prezidenti “O`zbekiston Respublikasi Qurolli kuchlarini qurollantirish va mudofaa sanoati sohasida davlat boshqaruvini takomillashtirish bo`yicha chora-tadbirlar to`g`risida”gi farmonni imzoladi.Hujjat bilan O`zbekiston Qurolli kuchlarini qurollantirish bo`yicha...01.02.2023, 09:59
Prezident Shavkat Mirziyoev hududlar iqtisodiyoti, aholi hayoti bilan yaqindan tanishish maqsadida Andijon viloyatiga jo`nab ketdi. Bu haqda Prezident matbuot xizmati xabar bermoqda.Ma`lum qilinishicha, tashrif davomida...