Birlashgan Millatlar Tashkilotiga O`zbekiston Respublikasining tuhfasi – Registon maydonining maketi topshirildi, deya xabar beradi O`zA.
Shu munosabat bilan o`tkazilgan marosimda Prezidentimiz Shavkat Mirziyoev ishtirok etdi va nutq so`zladi.
Tadbirda BMT Bosh kotibi o`rinbosari Jen Bigl, Bosh Assambleya sessiyasiga kelgan diplomatlar, BMT axborot markazi xodimlari qatnashdi.
Insoniyat sivilizasiyasi beshiklaridan biri bo`lgan mamlakatimizda ilm-fan, madaniyat, savdo, me`morlik, hunarmandlik azaldan rivojlangan. Buyuk ipak yo`lining markazida joylashgan Samarqandda turli o`lkalardan kelgan insonlar ahil-inoq yashagan. Registon esa ana shunday qadimiy va umumbashariy shaharning betakror ramziga aylangan. Majmua 2001 yilda YuNESKOning Jahon merosi ro`yxatiga kiritilgan.
Registon bugungi kunda ham dunyo sayyohlarini o`ziga tortmoqda. Bu erda o`tkaziladigan «Sharq taronalari» xalqaro musiqa festivali uning dovrug`i va xalqlar do`stligidagi ahamiyatini yanada oshirmoqda.
Registon maydonining maketi yurtimizning qo`li gul usta hunarmandlari tomonidan yasalgan bo`lib, qimmatbaho metall va go`zal milliy naqshlar bilan bezatilgan.
O`zbekistonning "tashrif qog`ozi" bo`lmish ushbu eksponatning BMT shtab-kvartirasining eng gavjum joylaridan biriga, BMT Xavfsizlik kengashi va Bosh Assambleya zallari o`rtasidagi foyega o`rnatilganida o`ziga xos chuqur ramziy ma`no bor, dedi davlatimiz rahbari.
BMT Bosh kotibi o`rinbosari Jen Bigl shunday go`zal va teran mazmunga ega tuhfa uchun Prezidentimizga chuqur minnatdorlik bildirdi.
Marosim BMT kanallari orqali efirga uzatildi.
19.04.2024, 17:02
Qo`shma Shtatlar Falastinni BMTga to`laqonli a`zo sifatida qabul qilish rezolyusiyasini blokladi. Davlatlar tashkilot Xavfsizlik kengashi yig`ilishida veto huquqidan foydalandi. Bu haqda “TASS” xabar berdi.Hujjatni Xavfsizlik...27.12.2022, 10:08
AQShda qishki bo`ron tufayli kamida 50 kishi halok bo`ldi, deb xabar bergan NBC News. Telekanalning aniqlik kiritishicha, qurbonlarning aksariyati - kamida 14 nafari Nyu-York shtati...03.12.2022, 12:40
AQSh yangi B-21 Raider strategik bombardimonchi samolyotini namoyish etdi. Samolyot jahondagi ilk oltinchi avlod bombardimonchisi hisoblanadi, deya yozmoqda "zamon.uz".Uning namoyishida AQSh mudofaa vaziri Lloyd Ostin ishtirok etgan."Bu...12.10.2022, 11:42
Pekin Vashingtonga besh yil ichida etti davlatni bosib olish rejasini eslatdi. Xitoy Tashqi ishlar vazirligi vakili AQSh armiyasining iste`fodagi generali Uesli Klarkning Pentagonning 20 yil...