— Kuragimda mayda xolga o`xshash toshmalar bor. Eshitishimcha, bular papilloma o`smasi deyilarkan. Bir tanishim “o`smaga yod bilan ishlov bersang, kuyib tushadi”, dedi. Chindan ham shunday qilsa bo`ladimi?
Farhod, Sirdaryo viloyati
Rustam ZOKIROV, shifokor dermato-nevrolog:
— Kurakdagi toshma papillomami yoki nevus (xol) aniqlashtirish lozim. Buning uchun shifokorning tibbiy tahlil xulosasi talab etiladi. Hatto toshma papilloma bo`lgan taqdirda ham uni yod bilan kuydirish mumkin emas. Bu vaziyatda yod eritmasi hech qanday naf bermaydi. Aksincha kichik toshma xavfli o`smaga aylanib ketishi mumkin. Sizga maslahatim, dermatolog shifokorga uchrashing. Tibbiy ko`rik va lozim topilsa, zarur tahlillardan so`ng toshma turi aniqlanib, kerakli davo chorasi tayinlanadi.
