O`zbekistonlik Sarvarbek Komilov hozir o`n uch yoshda. Biroq, u to`rt yoshidayoq dunyoning eng yosh dorbozi sifatida “Ginnessning rekordlar kitobi”dan joy olib ulgurgan. Sarvarbek mashhur dorbozlar sulolasining vakili. Ayni paytlar Komilovlar Sankt-Peterburgda “O`zbek dorbozlari” jamoasini tuzib, o`zbek dor san`atining shuhratini yoyishmoqda. Oilaning barcha a`zolari ana shu sharafli va murakkab kasb sirlarini puxta o`zlashtirishgan.
