Ўзбекистонлик Сарварбек Комилов ҳозир ўн уч ёшда. Бироқ, у тўрт ёшидаёқ дунёнинг энг ёш дорбози сифатида “Гиннесснинг рекордлар китоби”дан жой олиб улгурган. Сарварбек машҳур дорбозлар сулоласининг вакили. Айни пайтлар Комиловлар Санкт-Петербургда “Ўзбек дорбозлари” жамоасини тузиб, ўзбек дор санъатининг шуҳратини ёйишмоқда. Оиланинг барча аъзолари ана шу шарафли ва мураккаб касб сирларини пухта ўзлаштиришган.
