— Ertalab arang ko`zimni ochaman, kun davomida hadeb uyqum kelaveradi. Qandaydir lohas, quvvatsizman. Rosti, menga nima bo`layotganini tushunmay qoldim, ehtimol, toliqqandirman desam, ishim qiyin emas. Ayting-chi, uyquchanlikning paydo bo`lishi nimadan?
Akrom Rasulov, Sirdaryo viloyati
Nodira HAMROEVA, oliy toifali shifokor-terapevt:
— Ertalabki holsizlik ko`pincha anemiya yoki gipoterioz kasalliklarida kuzatiladi. Tashxisni aniqlashtirish maqsadida umumiy qon tahlili hamda TTG gormonlari tekshiruvini o`tkazish lozim. Shu bilan birga, endokrinolog ko`rigidan o`ting. Ayrim revmotologik xastaliklarda ham uyquchanlikka moyillik mavjud. Agar endokrinolog ko`rigi hech qanday muammoni ko`rsatmasa, demak, revmatolog tekshiruvidan o`tishingiz kerak bo`ladi.
