28-29 noyabr kunlari Toshkentda “Zamonlar chorrahasi: o`tmishning buyuk merosi-ma`rifatli kelajak poydevori” xalqaro media-forumi bo`lib o`tadi.
Tadbirda dunyo ilm-fan jamoatchiligining etkachi vakillari, muzey, kutubxona, ilmiy institut va boshqa xalqaro tashkilotlar rahbarlari, mahalliy olim hamda ekspertlar ishtirok etishadi.
Xalqaro media-forumda “O`zbekiston madaniy merosi” media-loyihasining “Sharq yozma yodgorliklari durdonalari” nomli yangi turkumi taqdimoti bo`lib o`tadi.
- Tadbirning muhim voqealaridan biri bu, asl nusxalari Rossiya Fanlar akademiyasining Sharq qo`lyozmalari instituti hamda Fransiya milliy kutubxonasida saqlanayotgan, o`ziga xos texnologiyalar asosida, qo`l mehnatidan foydalangan holda, maxsus qog`oz va haqiqiy oltindan tayyorlangan bebaho qadimiy qo`lyozmalarning faksimile nusxalarini O`zbekiston hukumatiga tantanali topshirish marosimidir.
Ushbu marosimda:
- “Katta Langar” Qur`oni;
- “Devoni Husayni”;
- “Poklik bog`i”;
- “Temur tuzuklari”,
Qo`lyozmalari O`zbekiston hukumati vakillariga topshiriladi.
- Bundan tashqari tadbir davomida hujjatli filmlar taqdimoti ham o`tkaziladi. Hamda kitob-albomlarni mamlakatimiz hamda jahonning yirik kutubxona, muzey, shuningdek, ta`lim muassasalariga hadya qilishga bag`ishlangan ijtimoiy aksiya ham tashkil etiladi.
- Shu bilan birga, Buyuk Britaniya, Fransiya, Rossiya, Turkiya, Chexiya, Yaponiya muzeylari hamda kutubxonalarining olimlari 2018 yilda chop etiladigan yangi albomlar bo`yicha maxsus ma`ruzalar bilan ishtirok etishadi.
- Media-forum doirasida O`zbekiston musiqa san`ati oqshomi, shuningdek, XX asr boshlarida yozib olingan va yaqinda qayta tiklangan o`zbek musiqa san`atining ilk audioyozuvlari taqdimoti ham bo`lib o`tadi
