— Shu kunlarda bo`ynim qotib qolayotgandi, ayniqsa ertalablari yon tomonga qimirlatolmay qoldim. Shifokorga ko`rinsam, bo`yin umurtqa suyagi osteoxondrozi, deya tashxis qo`ydi. Ayting-chi, bu xavfli emasmi?
Kamoliddin Jalolov, Toshkent viloyati
Sunatilla YO`LChIEV, sport shifokori:
— Bo`yin suyagining uzoq vaqt bir xil ko`rinishda turib qolishi, bo`yin umurtqa suyagiga zo`riqish beradi va bu sohada og`riq qo`zg`aladi. Ba`zan shish yuzaga kelishi ham mumkin. Bo`yin osteoxondrozining darajasidan kelib chiqib, dori vositalari hamda uqalash usullari, davolash gimnastikasi tavsiya qilinishi mumkin.
Shu bilan birga, yotoq karavoti matrasining yumshoq bo`lmasligiga e`tibor bering. Imkonini qilsangiz, ortopedik matras va yostiqlardan foydalaning. Bo`yinning orqa qismiga bolish qo`yib uxlash maslahat beriladi.
Suzish bilan shug`ullaning, orqamacha suzish ayniqsa yaxshi natija beradi.Ertalablari jismoniy mashqlarni bajaring, turnikka tortiling, bo`yin mashqlarini ham kanda qilmang.