Ajoyib iforga va xushta`m mazaga ega bo`lgan sholg`om ko`pchilikning sevimli sabzavoti sanaladi. Bu tabiat ne`mati to`rt mavsumda ham o`zbek oshxonasining to`ridan joy egallaydi.
ShIFOBAXShLIGI
Sholg`om odatda suyuq taomlar bilan birga iste`mol qilinadi. Uning shifobaxsh xususiyatlari bisyor.
100 gramm sholg`omning kaloriyasi 30 kkalga teng. Uning tarkibida karotin, A, V1, V2, V5, V6, V9 (foli kislotasi) kabi ko`pgina vitaminlar guruhi, K, S va RR singari kletchatkalar hamda kaliy tuzi, magniy, kalsiy, fosfor, temir, oltingugurt, mis, natriy, marganes va yod moddasi mavjud.
Sholg`om tarkibi mikroelementlar, uglevod va vitaminlarga juda boy. Ushbu sabzavotda juda kam uchraydigan glyukorafanin moddasi mavjud. U diabet va saratonni davolashga yordam beradi. Uning tarkibida rediskaga nisbatan fosfor ko`p. Karamga nisbatan esa S vitamini bisyorligi bilan alohida ajralib turadi.
