O`rik o`zining betakror ta`mi bilan ko`pchilikka xush yoqadi. U sarhilligida qaynatib, qolaversa quritilgan holda ham iste`mol qilinadi.
O`rikning foydali xususiyatlari
- O`rik iste`mol qilish kishining umumiy ahvoliga ijobiy ta`sir ko`rsatadi. Yurak-qon tomir va oshqozon-ichak kasalligiga chalingan yoki ortiqcha vazndan aziyat chekuvchi kishilar mazkur mevaga ko`proq e`tibor qaratishlari lozim.
- O`rik mevasi gipovitaminoz yoki avitaminozda va kamqonlikda yaxshi yordam beradi. Shuningdek, saraton xastaligida ham sog`liqni mustahkamlaydi. Bu ajoyib, ishtaha ochuvchi meva organizmning turli xastaliklarga qarshi kurashish qobiliyatini oshiradi va organizmning hayotiy muhim funksiyalarini qayta tiklaydi.
- Semirishga qarshi o`rik parhez mahsuloti sifatida eyiladi. Butun dunyo dietologlari o`rik moddalar almashinuvi va ovqat hazm qilish jarayoni uchun foydali mahsulot degan fikrga kelgan.
- Har kuni undan atigi 100 gramm tanovul qilish orqali muntazam ich kelishiga erishish va ichaklardagi gazdan xalos bo`lish mumkin. Temir moddasiga boyligi tufayli uning 100 grammi 250 gramm jigarning o`rnini bosadi.
- Miyaning faolligi uchun magniy va fosforga boy ushbu mevani iste`mol qilish tavsiya etiladi. Uning tarkibidagi magniy yuqori qon bosimini pasaytirishda ham qo`l keladi.
