2017 yilning 29 dekabr kuni soat taxminan 20:30 larda Sirg`ali tumanidagi xonadon hovlisida «VAZ-2106» rusumli mashina qarovsiz turganligi hamda kaliti o`t oldirish joyida bo`lganligidan foydalanib, olib qochilgan. Bu haqda Toshkent shahar IIBB matbuot xizmati xabar bermoqda.
IIBB xodimlari tomonidan o`tkazilgan tezkor-qidiruv tadbirlari natijasida avtomobil Sirg`ali tumani, Qumariq ko`chasida topilgan.
Holat yuzasidan tuman IIB huzuridagi tergov bo`limi tomonidan JKning 267-moddasi 1-qismi (transport vositasini olib qochish) alomatlari bilan jinoyat ishi qo`zg`atildi.
Hozirda dastlabki tergov harakatlari davom ettirilib, mashinani olib qochgan shaxsning boshqa jinoyatlarga aloqadorligi tekshirilmoqda.
