Yaponiya mudofaa vaziri Isunori Onodera Shimoliy Koreya raketalari hamda ularning bo`laklari mamlakat hududiga tahdid solgan taqdirda ularni nishonga olishni buyurdi. Bu haqda NHK telekompaniyasi xabar beradi.
Buyruq payshanba kuni berilgan, biroq hukumat ushbu ko`rilgan chorani barchaga ma`lum qilishni istamadi. Buyruq 25 aprel kunigacha o`z kuchida qoladi. O`sha kuni KXDRda Milliy armiya tarkib topgan kun nishonlanadi.
Koreya xalq demokratik respublikasi mart oyining oxirida ikkita taqiqlangan ballistik raketani uchirgan. O`rta masofaga uchuvchi "Nodon" rekatalari 10 daqiqa oralig`i bilan Sukchxon hududidan Yaponiya dengizi tomon uchirilgan. Ular taxminan 650 kilometr uzoqlikka uchirilgan edi.