Япония мудофаа вазири Ицунори Онодэра Шимолий Корея ракеталари ҳамда уларнинг бўлаклари мамлакат ҳудудига таҳдид солган тақдирда уларни нишонга олишни буюрди. Бу ҳақда NHK телекомпанияси хабар беради.
Буйруқ пайшанба куни берилган, бироқ ҳукумат ушбу кўрилган чорани барчага маълум қилишни истамади. Буйруқ 25 апрел кунигача ўз кучида қолади. Ўша куни КХДРда Миллий армия таркиб топган кун нишонланади.
Корея халқ демократик республикаси март ойининг охирида иккита тақиқланган баллистик ракетани учирган. Ўрта масофага учувчи "Нодон" рекаталари 10 дақиқа оралиғи билан Сукчхон ҳудудидан Япония денгизи томон учирилган. Улар тахминан 650 километр узоқликка учирилган эди.
