Janubiy Koreyalik qutqaruvchilar “Sevol” kemasining cho`kishi oqibatida halok bo`lgan yana 6 kishining jasadini olib chiqishdi. Umumiy hisobda 181 nafar yo`lovchining jasadi topilgan, deya xabar beradi Korea Herald nashri.
Qidiruv ishlarining 10-kuniga kelib 121 nafar yo`lovchining taqdiri noma`lumligicha qolmoqda.
Qidiruv-qutqaruv ishlarida 726 kishi, 261 ta kema va 35 ta aviasion texnika qatnashmoqda.
Payshanba kuni Janubiy Koreya maktablarida kema halokati qurbonlarini xotiralash marosimlari bo`lib o`tdi. Halok bo`lgan o`quvchilar suratlari maktab devorlariga osib qo`yildi. Shuningdek, payshanba kuni kechasi “Sevol” yo`lovchilarning o`nlab qarindoshlari Janubiy Koreya baliqchilik va dengiz ishlari bo`yicha vazirligi hamda ikki nafar yuqori lavozimdagi siyosatchilardan qidiruv ishlarini tezlashtirishni talab qilishgan.