Жанубий Кореялик қутқарувчилар “Севол” кемасининг чўкиши оқибатида ҳалок бўлган яна 6 кишининг жасадини олиб чиқишди. Умумий ҳисобда 181 нафар йўловчининг жасади топилган, дея хабар беради Korea Herald нашри.
Қидирув ишларининг 10-кунига келиб 121 нафар йўловчининг тақдири номаълумлигича қолмоқда.
Қидирув-қутқарув ишларида 726 киши, 261 та кема ва 35 та авиацион техника қатнашмоқда.
Пайшанба куни Жанубий Корея мактабларида кема ҳалокати қурбонларини хотиралаш маросимлари бўлиб ўтди. Ҳалок бўлган ўқувчилар суратлари мактаб деворларига осиб қўйилди. Шунингдек, пайшанба куни кечаси “Севол” йўловчиларнинг ўнлаб қариндошлари Жанубий Корея балиқчилик ва денгиз ишлари бўйича вазирлиги ҳамда икки нафар юқори лавозимдаги сиёсатчилардан қидирув ишларини тезлаштиришни талаб қилишган.
