AQSh Kongressida 77 yoshli demokratlar etakchisi Nensi Pelosi o`ziga xos rekord o`rnatdi. U sakkiz soatdan ortiq vaqt davomida to`xtamasdan nutq so`zladi.
Bunday uzun chiqish ohirgi marta 1909 yilda qayd etilgan. O`shanda mamlakatdagi islohotlardan norozi bo`lgan kongressmenlardan biri 5 soat 15 daqiqa to`xtamasdan gapirgan edi.
Pelosining nutqi migrantlar tomonidan mamlakat ichiga noqonuniy olib kirilgan farzandlarini himoya qilishga qaratilgan edi. Ushbu qonun AQShning sobiq prezidenti Barak Obama tomonidan qabul qilingan bo`lib, u bolalarni deportasiyadan asrar edi.
Tramp hukumati esa ushbu qonunni bekor qildi. Shu sababli demokratlar bor kuchini qonunni kuchda qolishiga qaratishgan. Kelishmovchiliklar sababli hukumat idoralari bir necha kunga yopib qo`yilgan edi.
