11 fevral kuni “Saratovskie avialinii” kompaniyasiga qarashli bo`lgan Domodedovo aeroportidan uchib chiqqan An-148 samolyoti parvozning 7-daqiqasida halokatga uchradi, deb xabar qilmoqda “Interfaks”.
Orsk shahriga yo`l olgan samolyot bortida 71 kishi bo`lgan: 65 nafar yo`lovchilar va 6 nafar ekipaj a`zolari.
Halokat Moskva viloyati, Ramenskoe tumanidagi Argunovo qishlog`i yaqinida sodir bo`lgan.
“Ushbu halokatda yo`lovchi va ekipaj a`zolarining tirik qolishiga imkon bo`lmagan”, — deb izoh berdi qutqaruv xizmati vakili.
Ayni damda halokat yuz bergan joyda qutqaruv xizmatlari ishlamoqda.
Ma`lumot uchun: An-148 samolyoti Ukrainada "Antonov" konstruktorlik byurosi tomonidan 2009 yilda ishlab chiqarish boshlangan. Samolyot 80 kishiga mo`ljallangan bo`lib, uzoqligi 4400 kilometrgacha bo`lgan yo`nalishlarda foydalaniladi.
