Filipp Kirkorov qizini olimpiada g`olibi sifatida ko`rishni orzu qilmoqda, deb xabar berdi NTV telekanali.
Estrada qiroli 6 yoshli qizi Alla-Viktoriya va 5 yoshli o`g`li Martinlarning omma oldida o`zlarini erkin tutishlaridan faxrlanishini hech kimdan yashirmaydi.
Alla-Viktoriya va Martin o`tgan yili yozda, Sochida ilk marotaba katta sahnaga qadam qo`yishgan edi. Filipp Kirkorov o`shanda farzandlari uchun juda hayajonlangan edi. Biroq bolalari uning yuzini erga qaratishmadi. Endi esa Filipp Kirkorov qizining konkida uchishini istamoqda. Unda bunday istak bo`lishiga Yana Rudkovskaya va Evgeniy Plyushenkoning o`g`illari sabab bo`ldi.
Besh yoshli Sasha, ya`ni Gnom Gnomich yosh bo`lishiga qaramay, hamma narsaga ulguradi. U moda jurnallarida fotosessiyalarda qatnashadi, figurali uchish bo`yicha ham rekord natijalarga erishgan. Kichik Plyushenko kuniga bir necha soat vaqtini muz ustida o`tkazadi. U “Shelkunchik” myuziklida kuniga 2 mahal, umumiy hisobda 20 marotaba kattalar bilan bir safda shouda ishtirok etdi.