Hindistonning sharqiy qismida joylashgan Megxalaya shtatida minalashtirilgan avtomobil portlashi oqibatida to`rt kishi, shu jumladan oppozision siyosatchi halok bo`ldi, deb xabar berdi Ria.ru nashri.
Voqea dushanba kuni kechasi shtatning ma`muriy markazi bo`lgan Shillong shahridan 250 kilometr uzoqlikda sodir bo`lgan. Portlash vaqtida avtomashinada Hind milliy kongressining navbatdagi sayloviga nomzodi qo`yilgan siyosatchi Jonaton Sangma bo`lgan.
U bilan birga mashinada haydovchi va ikki nafar polisiya xodimi ham bo`lgan. Portlash oqibatida ularning hammasi halok bo`ldi.
“Mazkur portlashda ekstremistik guruh jangarilarining qo`li borligi ma`lum bo`ldi. Ular mashinani portlatishda qanday portlovchi moddadan foydalanishgani yuzasidan surushtiruv ishlari olib borilmoqda”, deb ma`lumot berdi huquq-tartibot idorasi xodimi.