Iroqning Mosul shahrida IShID teroristik tashkiloti jangarilariga qarshi olib borilgan janglarda vayron bo`lgan ko`prik qayta tiklandi.
Ko`prikni mamlakat bosh vaziri Haydar al-Abad ochib berdi. G`oyat muhim ahamiyatga ega ushbu ko`prik Tigr daryosi qirg`og`ida joylashgan Mosul shahrining ikki qismini bir-biri bilan bog`lab turadi.
Mamlakat transport tizimida ahamiyati beqiyos bo`lgan ushbu inshoot 2016 yilning dekabrida Mosulni terorchilardan ozod etish vaqtida AQSh boshchiligidagi harbiy havo kuchlari tomonidan Bag`dod hukumati iltimosiga binoan porlatib yuborilgan edi.