Toshkent davlat yuridik universitetining Huquqiy tadqiqotlar markazi negizida boshqaruv xodimlarining cheklangan umumiy soni 25 nafar bo`lgan O`zbekiston Respublikasi Adliya vazirligi huzuridagi Huquqiy siyosat tadqiqot instituti tashkil etiladi.
Davlatimiz rahbarining joriy yil 13 apreldagi «Davlat huquqiy siyosatini amalga oshirishda adliya organlari va muassasalari faoliyatini tubdan takomillashtirish chora-tadbirlari to`g`risida»gi farmoni asosida Huquqiy siyosat tadqiqot institutining asosiy vazifalari quyidagilar etib belgilandi:
- qonunchilikni va uning tarmoqlarini rivojlantirish sohasida ilmiy-amaliy tadqiqotlar o`tkazish hamda ilmiy konsepsiyalar ishlab chiqish;
- aholining huquqiy ongi va huquqiy madaniyatini oshirishning innovasion uslublari hamda usullarini ishlab chiqish;
- sud-huquq sohasidagi qonun hujjatlari qo`llanilish amaliyotini tahlil qilish, uni takomillashtirish bo`yicha takliflar ishlab chiqish;
- davlat boshqaruvi samaradorligini oshirishning huquqiy muammolarini o`rganish, ijtimoiy-iqtisodiy sohadagi munosabatlarni huquqiy tartibga solishning rivojlanish yo`nalishlarini aniqlash;
- etakchi xorijiy ilmiy-tadqiqot muassasalari bilan hamkorlikni amalga oshirish.
Bu kabi chora-tadbirlar mamlakatimizda inson huquq va erkinliklarining samarali himoya qilinishini ta`minlash, shuningdek, aholining huquqiy madaniyatini oshirishga xizmat qiladi.
17.04.2018 05:48
Endilikda tashkil etiladigan Huquqiy siyosat tadqiqot institutining vazifalari nimalardan iborat?
