Adliya vazirligi tomonidan O`zbekiston Respublikasi teatr arboblari uyushmasi davlat ro`yxatidan o`tkazildi.
Bu haqda Adliya vazirligining “Huquqiy axborot” kanali xabar tarqatdi.
Shu munosabat bilan 2018 yil 19 aprel kuni vazirlik tomonidan O`zbekiston Respublikasi teatr arboblari uyushmasi raisi, O`zbekiston xalq artisti Yoqub Axmedovga tashkilotni davlat ro`yxatidan o`tganligi to`g`risidagi guvohnoma topshirildi.
Mazkur tashkilotning asosiy maqsadi O`zbekiston Respublikasida teatr san`atini yanada rivojlantirish, teatrlarning davr talablariga mos repertuarlarini shakllantirish, sahna ijodkorlariga qulay sharoit va keng imkoniyatlar yaratishga ko`maklashish hisoblanadi.
