Xitoyning Shensi provinsiyasidagi Michji uezdida jinoyatchi 7 nafar maktab o`quvchisini bo`g`izladi, 19 nafarini yaraladi, deb xabar berdi lenta.ru nashri.
Nashrning xabar berishicha, bolalar darslarni tugatib, maktabdan qaytayotgan bo`lishgan. Jinoyatchi qo`lidagi pichoq bilan ularga tashlangan. Jabrlanganlarga tibbiy yordam ko`rsatildi.
Jinoyatni 1990 yilda tug`ilgan Chjao familiyali erkak sodir etganligi aniqlandi. Hozircha uning bunday jinoyatga qo`l urishiga nima sabab bo`lgani haqida ma`lumot berilmagan.