Myanma etakchisi BMTga tegishli tashkilotlar vakillariga mamlakatga kirib qochqinlarni ortga qaytarish bo`yicha tayyorgarlik ko`rishiga ruxsat bermoqda.
Aung San Su Chji BMTning inson huquqlari va taraqqiyot tashkilotlarini mamlakatga kiritish orqali, jahon hamjamiyati oldidagi obro`sini qayta tiklashga umid qilmoqda.
700 000 ga yaqin Roxingya musulmonlari Myanmadagi zo`ravonliklar sababli qo`shni davlat Bangladeshga qochib o`tishgan.
BMT Xavfsizlik Kengashiga a`zo 15 ta davlatning yuqori darajali diplomatlari shanba kunidan boshlab Bangladesh va Myanmaga o`z tashriflarini amalga oshirishni boshlashdi. Diplomatlar Aung San Su Chji bilan uchrashishdan oldin Bangladeshdagi qochqinlar lagerini borib ko`radilar va vertolyotda BMT tomonidan etnik tozalash markazi deb tasvirlangan, Roxingya musulmonlariga nisbatan uyushtirilgan eng katta zo`ravonlik hududi hisoblanmish Rakxayn shtatiga o`tishadi.
BMT vakillari shuningdek, vaziyatni monitoring qiladi va ommaviy ko`chishni keltirib chiqargan zo`ravonliklari qayta sodir bo`lmasligini oldini olishga oid tavsiyalar berishadi.
