O`zbekiston Respublikasi Prezidenti Shavkat Mirziyoev Hindistonning Rajaston va Uttar-Pradesh shtatlarida yuz bergan kuchli qum bo`roni oqibatida ko`plab insonlar halok bo`lgani munosabati bilan Prezident Ram Natx Kovindga va Hindiston xalqiga chuqur hamdardlik bildirdi, jarohatlanganlarning tezroq sog`ayishini tiladi.
Bu haqda Prezident matbuot xizmati xabar berdi.
Eslatib o`tamiz, Hindistonning Uttar-Pradesh, Rojaston, Uttarahand va Panjob shtatlarida qumbo`ronlari davom etmoqda. Ba`zi joylarda shamol tezligi soatiga 123 kilometrga etgan.
Tabiiy ofat tufayli qurbonlar soni ham oshib bormoqda. Mamlakat shimolida 127 ta inson halok bo`lgan bo`lsa, janubda yana 21 kishi yashin urishidan o`lgan. Minglab aholi o`z uylarini tark etmoqda.
