O`zbekiston Prezidenti tashrifi arafasida Vashingtondagi Artur Sakler galareyasida o`zbek atlasi va adrasi ko`rgazmasi ochilgan edi.
Davlatimiz rahbari mazkur ko`rgazma bilan tanishdi, deb xabar berdi Prezident matbuot xizmati.
Ushbu galereya Sharq san`ati muxlisi bo`lgan Artur Sakler tomonidan tashkil etilgan. Bu erda Sharq mamlakatlari, jumladan, Markaziy Osiyo xalqlari san`ati namunalari namoyish etib kelinadi.
Shu kunlarda davom etayotgan ko`rgazmada Garvard universiteti olimi Guido Goldman tomonidan to`plangan qadimiy atlas va adras kiyimlar, amerikalik dizayner Oskar de la Renta tikkan shunday liboslar namoyish etilmoqda.
Shavkat Mirziyoev muzeyning Markaziy Osiyo bo`limidagi miniatyura va qo`lyozmalarni ko`zdan kechirdi, o`zbek amaliy san`ati buyumlari tarixi bilan qiziqdi.
